S Auchterle (Andere Gedichte)
-
- S Auchterle.[1]
Sobald der Wind dur d Stupfla[2] gôht
Und d Egda[3] hoppat[4] über d Sôt,
Der Star oim uff da Grindel[5] sitzt
Und s Gweisch[6] von Spinnawebba glitzt,
Nôch, Bruadar, herbstats wäger[7] reacht,
Nôch kommt as schleacht.
Wenn d Neabal walet[8] übers Land,
Da ganza Tag it weicha want,
Wenn s Laub ab Böm und Hecka lôht[9]
Und s Wasser in de Lacha bstôht,
Nôch hôt der Hiat a baise Zeit –
Bei fremde Leut[10]
Hôt koine Strümpf und koine Schuah,
Drum fällt a Schlappa[11] vonra Kuah,
So springt er wôlli[12] hinta’ drei’
Stellt seine Füaß, de kalte, nei’.
Wia gfallet der dia Modischuah?
Gealt, jetz hôscht gnua?
Des deucht di wüascht, i glaub ders au.
Und doch ischts Büable hoilig frauh,
Wenn s seini Füaß so gwärma ka’,
Wo s koini Strümpf und Schuah verma’.[13]
Du stôhscht in deini Pelzla warm,
Der Bua ischt z arm.
- ? Der kleine Nachthirt.
- ? Stoppeln.
- ? Egge.
- ? Holpern.
- ? Pflugbalden.
- ? Stoppelfeld.
- ? Wahrlich.
- ? Sich wälzen.
- ? Läßt.
- ? Im Kehrum bei den Hofbauern, in der sogen. Zech.
- ? Kuhfladen.
- ? Weidlich, hurtig.
- ? Vermag, aufbringen kann.
Eingetragen am 08.11.2011 09:34:53 von 2rhyme
Autor: Michel Buck
Quelle: de.wikisource.org
Weitere Informationen unter: http://de.wikisource.org
|