A scharfer Zeug’n (Andere Gedichte)
A scharfer Zeug’n.
Beim G’richt, da ham’s zum Zeug’n g’sagt:
»Du warst dabei!
Jetzt sag’s, wenn hast an Hans begeg’nt?«
»»Um halbe drei.««
»Kunnt’t nit dreiviertel g’wesen sein?
So sag’s nur frei!
Auf dös kimmt jetzt dös ganze an!« – –
»»Um halbe drei!««
»Ja, geht dei’ Uhr denn so akkrat?
So b’sinn di’ nur!«
»»Ja,«« sagt der Zeug’n, »»akkrat geht’s nit,
I han kon Uhr!
Mir hat mei’ Lebtag neamand nie
No’ koane g’schenkt.««
»Wie woass’st denn na, dass’s halbe war?«
»»I hab mir’s – denkt!««
Karl Stieler.
Eingetragen am 08.11.2011 09:32:56 von 2rhyme
Autor: Karl Stieler
Quelle: de.wikisource.org
Weitere Informationen unter: http://de.wikisource.org
|